لۆگۆی بەڕێوەبەرایەتی ئاسایشی سلێمانی
ژمارەی جێگرەوە دانراوە
هێڵی 106ـی ئاسایش رادەوەستێت
964+
توانا نەقی
بەڕێوەبەرایەتی ئاسیایشی سلێمانی بڵاوی کردەوە، کە ئەمشەو بۆ ماوەی چوار کاتژمێر هێڵی گەرمی ئاسایش 106 رادەوەستێت.
ئاسایش دەڵێت: لە کاتژمێر 12:00 ئەمشە و تا کاتژمێر 4:00ـی بەرەبەیان بە هۆکارێکی تەکنیکی رادەوستێت و دەتوانن لە کاتی پێویستدا پەیوەندی بکەن بە ژمارە مۆبایلی 07718193333.
ئەمە لە کاتێکدایە، هەریەک لە هێڵە گەرمەکانی 104ـی پۆلیسی فریاکەوتن و هێڵی گەرمی 115ـی بەرگری شارستانی سلێمانی بۆ ماوەی چوار کاتژمێر و لە هەمانکاتدا لەکار دەکەون.
بەرگری شارستانی دەڵێت لە ماوەی ئەو چوار کاتژمێرە پەیوەندی بکەن بە ژمارە 100 و پۆلیس دەڵێت، پەیوەندی بکەن بەم ژمارانەوە، بەشی پۆلیسی نەهێشتنی تاوان ژمارە 105، سەنتەری رێکخەری پەیوەندییەکان (JCC) ژمارە 100 و ئێشکگری بەڕێوەبەرایەتی پۆلیسی پارێزگای سلێمانی ژمارە 0533193148”.
پۆلیسی سلێمانی: پەیوەندی بە 104ـەوە مەکەن
