تا سەری ساڵ بەرهەمی خۆماڵی دەفرۆشن

964+
دیلان محەمەد – سلێمانی

لە سلێمانی بازاڕی کارسازان بە بەشداری زیاتر لە 100 شوێن کرایەوە و سەرجەم بەرهەمەکانی خۆماڵین، تاوەکو شەوی 31ی 12 بەردەوام دەبێت.

نڤار کەمال، سەرپەرشتیاری پڕۆژەکە بە 964+ی راگەیاند، لە رۆژی 25ی 12وە چالاکییەکانی In Slemani دەستی پێکردووە، ئەمڕۆش بازاڕی کارسازان کرایەوە بە بەشداری زیاتر لە 100 کارساز.

باسی لەوەشکرد، ئەو خاوەنکارانەی بەشداریانکردووە بابەتەکانیان لە بواری خواردەمەنی و شیرینی و کاری دەستی و مۆم و بۆن و سابون پێکهاتووە، کە سەرجەمیان بەرهەمی ناوخۆیە.

ئەوەشی خستەڕوو، ئەو بازاڕە رۆژانە لە کاتژمێر 4ی دوانیوەڕۆ دەستپێدەکات بۆ کاتژمێر 11ی شەو.