دیمەنی تۆمەتبارە دەستگیرکراوەکان _ وێنە: پۆلیسی سلێمانی
لێکۆڵینەوەیان لەگەڵ دەکرێت
لە زەڕایەن سێ کەس دەستگیرکران کە مادەی هۆشبەریان پێ بووە
964+
ئەحمەد مستەفا
پۆلیسی سلێمانی دەڵێت، له‌لایه‌ن مه‌فره‌زه‌كانی بنكه‌ی پۆلیسی زه‌ڕایه‌نی سه‌ر به به‌شی پۆلیسی شاره‌زوور سێ تۆمه‌تبار ده‌ستگیركران و ده‌ستیش گیرا به‌سه‌ر بڕێك ماده‌ی هۆشبه‌ر كه به تۆمه‌تباران بووه .
پۆلیسی سلێمانی له‌راگه‌یه‌ندراوێكدا کە ئەمڕۆ سێشەممە 28.11.2023 بڵاویكرده‌وه و دەڵێت، “دوای ئه‌وه‌ی زانیاری گه‌یشته ده‌ست هێزه‌كانی به‌شی پۆلیسی شاره‌زوور له‌باره‌ی سێ تۆمه‌تباره‌وه كه گومان ده‌كرا مادده‌ی هۆشبه‌ریان پێبێت، دوای وه‌رگرتنی بڕیاری دادوه‌ر، لێكۆڵینه‌وه‌كان بۆ دۆزینه‌وه و ده‌ستگیركردنی تۆمه‌تباران ده‌ستیپێكرد”.
سه‌ره‌نجام توانرا له‌لایه‌ن بنكه‌ی پۆلیسی زه‌ڕایه‌نی سه‌ربه‌به‌شی پۆلیسی شاره‌زوره‌وه سێ تۆمه‌تبار ده‌ستگیربكرێن و ده‌ستیشبگیرێت به‌سه‌ر بڕێك ماده‌ی هۆشبه‌ر له‌جۆره‌كانی (كریستاڵ، تلیاك و حه‌بی هۆشبه‌ر ) كه به‌تۆمه‌تباران بووه.
بەوتەی پۆلیس بێت، له‌ئێستادا هه‌ریه‌ك له تۆمه‌تباران، (ر،ن،أ له‌دایكبوی 2000، ج،ج،ح له‌دایكبوی 1999، پ،م،ق له‌دایكبوی 2000) به‌بڕیاری دادوه‌ر و به‌پێی مادده‌ی 26 له‌یاسای قه‌ده‌غه‌كردن و به‌كارهێنانی ماده‌ی هۆشبه‌ر راگیراون و لێكۆڵینه‌وه له‌گه‌ڵیان به‌رده‌وامه.
