نزیكهى 70% كهمیان كردووه
سەرچاوەی ئاوی بیرەکانی دهۆک مەترسیان لەسەرە
964+
هیڤی دێوالی – دهۆک
رێژەی ئاوی بیرەکانی سنوری پارێزگای دهۆک کەمبووە. بەڕێوەبەرایەتی ئاوی ژێر زەویش دەڵێت، ئاستی ئاو لە زۆربەی بیرەکاندا 65% کەمیکردووە.
لە سنوری پارێزگای دهۆک نزیکەی پێنج هەزار بیری ئاو هەیە و ساڵانە ژمارەیەک بیری دیكهى ئاو دروست دەکرێن.
عەبدولمەجید عهبدوڵا، بەڕێوەبەری ئاوی ژێر زەوی دهۆک بە 964ـى وت، بەهۆی کەمی بارانبارین و وشکەساڵی لە ساڵانی رابردودا ئاستی ئاوی بیرەکانی دهۆک کەمیكردووه.
وتیشی “نزیکەی پێنج هەزار بیرمان هەیە، لە ناوچە جیاوازەکانی وهك سێمێل، شێخان، ئاکرێ، بەردەڕەش و ئامێدی دا ههن، كه ئاستیان لە شوێنێکەوە بۆ شوێنێکی تر جیاوازن، بەڵام زۆربەی بیرە ئاوییەکانمان بە ڕێژەی 65%بۆ 70%دابەزیوە”.
بە قسەی ئەو بەڕێوەبەرە، پێویستە ژمارەی بیرەکان کەم بکرێتەوە، هەروەها ژمارەی پۆند و بەنداوەکانی بچووک زیاد بکرێت، ئەمەش بەهۆی مەترسی وشکبوونەوەی ئاوەوە.
بهقسهى بهڕێوهبهرى ئاوى ژێرزهوى دهۆك، پلانیان هەیە لە ساڵانی داهاتوودا کێشەی مەترسی وشکەساڵی لە چەند ناوچەیەکی پارێزگای دهۆک چارەسەر بکەن.
پێداچوونهوه: فهرهاد حهسهن