کاتی بەخشینی رێگەپێدان بە ئەو کەسانەی خاوەنی زەوی سندوقین.وێنەپارێزگای هەولێر
یەکسەریش تاپۆی بکە
ئەگەر زەوی سندوقیت هەیە بڕۆ خانووەکەت دروستکە
964+
توانا نەقی
دوای چاوەڕوانی و داواکارییەکی زۆر خاوەنی زەوییە سندووقیەکان رێگەپێدانیان بۆ دروستکردنى خانوو وەرگرت.
ئەمڕۆ پێنجشەممە پارێزگای هەولێر بڵاویکردەوە، وەک قۆناغی یەکەم لە هەولێر و قەزاو ناحیەکانی 200 رێگە پێدانی دروستکردنی خانوو لەسەر زەوییە سندووقییەکان دابەشکرا.
پارێزگاری هەولێر رایگەیاند، ئەمە قۆناغی یەکەمە لە داهاتوودا رێگەپێدان بۆ زەوییەکانی تریش دەکەن و لە ئەمڕۆوە دەتوانن بڕۆن زەوییەکانتان بکەن بە خانوو.
زەوی سندووقى ئه‌و زه‌ویانه‌ن كه له دوو لاوه بەزیادەڕۆیی خانووی تێدا دروستكراوه و پێشتر كڕین و فرۆشتنیان پێكراوه.
پارێزگا ئاماژەی بەوەکردووە وەک هاوکاری بۆ کەسانی کەمدەرامەت ئەو بڕیارە دەرکراوە بۆ ئەوەی ببنە خاون خانووی خۆیان.
پێشتر چەندان جار خاوەنی ئەو زەویانە گردببونەوە و داواکارییان کردووە بۆ رێگە پێدان ئێستا رێگەپێدانەکایان بۆ کراوە و کە خانووەکەشیان دروست کرد لەسەر ناوی خۆیان تاپۆی دەکەن.
