بە گولەی وێڵ کەسێک لە زاخۆ گیانی لەدەستدا
964+
شڤان عەبدوڵا – زاخۆ
پیاوێکی تەمەن 54 ساڵ لە زاخۆ بەهۆی بەرکەوتنی فیشەکەوە گیانی لەدەستدا.
ئەمرۆ شەممە 2.12.2023 لەدەورووبەری ئەکادیمیای سەربازی زاخۆ، فیشەکێک بەر پیاوێک کەوتووە و دوای چەند خولەکێک پیاوەکە لەنەخوشخانەی فریاکەوتنی زاخۆ گیانی لەدەستدا.
ئەحمەد رەمەزان وتەبێژی پۆلیسی زاخۆ بە 964ـی وت، پیاوەکە ئاوەری ئێزدی بووە لە کەمپی چەمشکۆ نزیکی ئەدیمیای سەربازی زاخۆ فیشەکی کلاشینکوفێک بەشێوەیەکی هەڕەمەکی بەرکەتووە دوای گواستنەوەی بۆ فریاکەوتنی زاخۆ دواتر لە نەخوشخانە گیانی لەدەستداوە.
“بەپێی مادەی 405 بەدواداچوون بۆ ئەم کەیسە دەکەین بۆ ئەوەی ئەنجامی کوتایی دەرکەوێت ئەو فیشەکە لەکوێوە هاتووە و تا ئێستا ئێمە زانیاری تەواومان نییە” ئەحمەد رەمازان وای وت.
هاوڵاتیەکی دانیشتووی گەرەکی مەهەندیکەی تەنیشت ئەکادیمیا بە 964ـی وت، لەئەکادیمیای سەربازی زاخۆ زوربەی رۆژانی هەفتە راهێنان بە چەک دەکەن و زۆربەی کاتەکان بەبردەوام گوێمان پڕبووە لە دەنگی تەقە.
پێداچوونەوە: توانا نەقی
