سێ کورد لە ئێران لەسێدارە دران

964+

پێشەوا محەمەد

ئەمڕۆ هەینی سێ کورد لە بەندینخانەی ئورمییە لەسێدارە دران و رێکخراوی هەنگاو دەڵێت، ئەمساڵ زیاتر لە 90 کورد لەسێدارە دراون.

لەسێدارەدراوەکان تەمەنیان، 39، 40 و 62 ساڵ بووە و تۆمەتەکەیان بازرگانیکردن بووە بە مادە هۆشبەرەکان.

رێکخراوی مافی مرۆڤی هەنگاو بڵاوی کردووەتەوە، ئەو بەندکراوانە بۆ ماوەی سێ ساڵ و چوار ساڵ زیندانی بوون و دواجار بڕیاری لەسێدارەدانیان بۆ دەرکراوە.

ئەوە لە کاتێکدایە هەفتەی رابردوو چوار بەنداوی دیکەی کورد لە زیندانەکانی ئێران لەسێدارە دراون.

ئەمساڵ تا ئێستا لە ئێران زیاتر لە 600 کەس لەسێدارە دراون و زیاتر لە 90یان کورد بوون، ئەوەش زانیاریی رێکخراوی هەنگاوە و دەشڵێت، “لە چاو دوو ساڵی رابردوو ئەمساڵ ئێران زۆرترین لەسێدارەدانی هەبووە”.

بە پێی زانیارییەکانی رێکخراوەکە، زۆرترین لەسێدارەدانەکان لەسەر مادەی هۆشبەر، هۆکاری سیاسی و کوشتن بوون.

رێکخراوی مافی مرۆڤی هانا: ژنێک بە بیانووی بەرگری لە شەرەف کوژرا