فۆتۆ: social media
بینای نابینایان گڕ دەگرێت
964+
پیشەوا محەمەد – سلێمانی
شەوی رابردوو بەشێکی بینای یەکێتیی نابینایان و هۆڵەکەیان بەهۆی شۆرتی کارەباوە دەسووتێت. سەرۆکی یەکێتییەکەش دەڵێت، زیانی نزیکە 35 هەزار دۆلار بەر بیناکەیان کەوتووە.
بینای یەکێتیی نابینایان دەکەوێتە سەر شەستییەکەی سلێمانی، نزیک نەخۆشخانەی شار.
964+ دەزانێت، کاتژمێر دووی بەرەبەیانی ئەمڕۆ بینایەکە گڕی گرتووە.
عومەر خدر، سەرۆکی لقی سلێمانیی یەکێتیی نابینایان بە 964+ـی وت: ئاگرکەوتنەوەکە بەهۆی شۆرتی کارەباوە بووە، هۆڵەکە هەمووی سووتاوە لەگەڵ بەشێکی بیناکە.
دەشڵێت؛ زیانی نزیکەی 35 هەزار دۆلار بەر بیناکە کەوتووە و داواکارین هەرچی زووە بۆمان نۆژەن بکرێتەوە.
یەکێتیی نابینایان لە پارێزگای سلێمانی نزیکەی هەزار و 500 ئەندامیان هەیە.