بازاڕە كۆنەكەی زاخۆ نۆژەن دەكرێتەوە

+964
شڤان عەبدولڵا – زاخۆ

بە زیاتر لە ملیارێک دینار، بازاڕە كۆنەکەی زاخۆ نۆژەندەكرێتەوە.

مێژووی بازاڕەكە دەگەڕێتەوە بۆ سەدە ونیوێك پێش ئێستا.

 بازاڕەكە لە 118 دوكان پێكدێت و دەكەوێتە سەنتەری شارەكەوە، بڕیارە نۆژەنکردنەوەکەی ماوەی دوو مانگ بخایەنێت و لە مانگی شوباتی داهاتوو بە رووی خەڵک و گەشتیاران بکرێتەوە.

محەمەد ئەحمەد، بەڕێوبەری شوێنەوار و ئاسەوارەكان لە دهۆك بە +964ـی وات : دەمانویست بازاڕەكە وەك شێوازە كۆنەكەی خۆی نۆژەنی بكەینەوە، بەڵام بەو شێوازە دەرنەچوو، بۆیە دیزاینێكی نوێمان بۆداناوەو بەو شێوازە نوێیە كاری لەسەر دەكەین.

دیوی دەرەوەی دوكانەكان بە بەردی تایبەت رووپۆش دەكرێت و دیمەنەكەی بەشێوازێكی كلتوری دەردەكەوێت.

بڕی ملیارێک و 200 ملیۆن دینار بۆ نۆژەنکردنەوەی بازاڕە کۆنەکەی زاخۆ تەرخانکراوە.

بازاڕەكە بۆ كەلوپەلی دەستی و پێداویستی رۆژانەی كەشتیار و هاوڵاتیانە و دەكەوێتە سەنتەری زاخۆوە.