هەریر لە دوورەوە. وێنە: سۆشیاڵ میدیا
خەڵکی هەریر بۆ 964 قسەیان کرد
سۆراغ: ئه‌مشه‌و هێرشكراوه‌ته سه‌ر فڕۆكه‌خانه‌ی هه‌ریر؟
964+
ئه‌رسه‌لان عه‌بدوڵا
له سه‌رچاوه‌یه‌كی ئه‌منیی عێراق و له هه‌ندێك په‌یجی سۆشیال میدیا، وا بڵاوكراوه‌ته‌وه هێرش كرابێته سه‌ر فڕۆكه‌خانه‌ی هه‌ریر، 964 سۆراغی كرد.
په‌یامنێری 964 له سۆران و هه‌ریر، سۆراغی ئه‌م هه‌واڵه‌ی كردووه و په‌یوه‌ندی به لایه‌نه ئه‌منییه‌كانی قه‌زای هه‌ریر و هه‌روه‌ها ژماره‌یه‌ك له هاوڵاتیانی هه‌ریر كردووه، هه‌مووان ره‌تیده‌كه‌نه‌وه گوێبیستی هیچ ده‌نگێكی هاوشێوه‌ی هێرش و ته‌قینه و بۆردومان بووبن.
ئه‌مه‌ش له كاتێكدا ژووری ئۆپه‌راسیۆنه‌كانی به‌غدا هه‌واڵی ئه‌وه‌یان له گرووپێكی رۆژنامه‌وانانی عێراقی پۆست كردووه، كه ئه‌مشه‌و ده‌وروبه‌ری كاتژمێر 10:00 به درۆنێك هێرشكراوه‌ته سه‌ر فڕۆكه‌خانه‌ی هه‌ریر و درۆنه‌كه‌ش له ده‌ره‌وه‌ی فڕۆكه‌خانه‌كه خراوه‌ته خواره‌وه و زیانی نه‌بووه.
به گوێره‌ی راگه‌یاندراوێک کە ده‌زگای دژه‌تیرۆری كوردستان، كه له 9.11.2023 بڵاویانكرده‌وه، بنكه‌كه لە 20.10.2023 لەلایەن هێزەکانی هاوپەیمانانه‌وه چۆڵکراوە، به‌ڵام ناوبه‌ناو به درۆن هێرش ده‌كرێته سه‌ر فڕۆكه‌خانه‌كه.