سێ چاپخانە داخراوە
چاپخانەکان هاواریان لێهەڵساوە و دەڵێن لەبەر ئێران و تورکیا بازاڕمان نەماوە
964
ئەحمەد محەمەد – سلێمانی
خاوەنی چاپخانەیەک دەڵێت، “لەماوەیەکی کەمدا سێ چاپخانە داخراون و لەبەر چاپکردنی کتێب لە ئێران و تورکیا بازاڕمان بەتەواوی کز بووە، وا بڕوات ئێمەش دایدەخەین”.
بەوتەی خاوەنی ئەو چاپخانانە، ژمارەیەک کەس بەبێ ئەوەی مۆڵەتیان هەبێت کاری چاپکردن دەنێرن بۆ تورکیا و ئێران و ئەمەش وایکردووە چاپخانەکانی ناوخۆ بازاڕیان نەمێنێت.
رێبوار عومەر، خاوەنی یەکێک لە چاپخانەکانی سلێمانییە بۆ 964 قسەیکردووە دەڵێت، “دۆخی چاپخانەکان لەوپەڕی خراپیدایە، لەماوەیەکی کەمدا سێ چاپخانە داخراون و ئامێرەکانیان فرۆشتووە و وازیان لەکارکردن هێناوە”.
خاوەنی ئەو چاپخانەیە دەڵێت، “لەساڵانی رابردوو 19 کارمەندم هەبووە، بەڵام ئێستا دوو کارمەند ماوینەتەوە”.