لافاو زۆرێک لە ناوچەکانی هەرێمی شپرزە کرد

توانا نەقی

ئەو شەپۆلە بارانبارینەی رووی لە ناوچەکانی هەرێم کردووە زۆرێک لە شارەکانی پەرێشان کردوو لافاو زەرەروزیانی مادی بە هەندێک ماڵ و ئۆتۆمبێل گەیاندووە تا ئێستا.

دووێنێ پێنچشەممە بارانەکە بەتایبەت لە کاتەکانی دوای نیوەڕۆوە بە جۆرێک بە هێز بوو لە هەندێک جێگەی ناو هەولێر زیاتر لە 30 ئۆیۆمبێل زیانیان پێگەیشت و بە شێکیان نوقمی ناو ئاو بوون.

لە هەریەک لە قەزاکانی ئاکرێ و خەبات و شێخانیش ئاو چووە چەندین ماڵەوە و تیمەکانی فریاگوزاری بەهانای خەڵکەوە چوون.

بارانەکە بەشێوەیەک بوو بەتایبەت لە کاتەکانی شەودا لە گەرمیان لافاوی لەسەر شەقامەکان و چەمند گەڕەکێک دروستکرد، هەروەها رێگای سەرەکی نێوان کەلار بۆ کفری و کەلار بۆ دەربەندیخان داخران، ئەمە جگە لەوەی ئاو چووەتە چەند ماڵ و مارکێتێکی هاوڵاتیان و هەرزوو باری نائاسایی لە ئیدارەکە راگەیندرا.

لەلایەکی دیکەوە پردی قادرکەرەم لە سنووری چەمچەماڵ لایەکی بەتەواوەتی ئاو بردوویەتی و هاتوچۆی هاوڵاتیانی پەکخستووە.

لە سلێمانیش بارانەکە لافاوی لە تاسڵوجە لەناو گەڕەک و کۆڵانەکان دروستکرد و ئاو چووە ناو بەشێک لە ماڵەکان و هەروەها بەشێکی زۆری قەزای شارەزوریش ئاو تیادا کوبووەوە و پردی سەیرانبەنیشی وێران کردووە.

بە پێی قسەی کەشناسی بێت ئەم شەپۆلی بارانبارینە تا سبەینێ شەممە بەردەوام دەبێت هەرچەندە تا کاتی ئامادەکردنی ئەم هەواڵ کەش ئارام بووتەوە و لە هەندێک لە ناوچەکان ئاسمان ساماڵە.