خوێندنەوەی بڕیارەکانی دادگای فیدراڵی لەلایەن سەرۆکی دادگاکەوە
لەسەر موچە چی وتووە؟
بڕیارەکانی دادگای فیدڕاڵی لەسەر هەرێم چی بوون؟
964+
توانا نەقی
ئەمڕۆ چوارشەممە دادگای فیدراڵی عێراق چەندین بڕیاری سەبارەت بە موچە و داهاتی هەرێم و هەروەها لەسەر هەڵبژاردنەکانی هەرێم دەرکرد.
هەروەها دادگاکە بڕیاری لەسەر هەڵوەشاندنەوەی کورسی کۆتاکانی پەرلەمانی کوردستان دەرکرد و بۆ موچە خۆرانیش بڕیاری نوێی دەرکردووە
بەشێک لە بڕیارەکانی دادگای فیدراڵی لەسەر هەرێم:
– سەرۆک وەزیرانی حکومەتی عێراق و حکومەتی هەرێم دەبێت موچەی موچەخۆران دابین بکەن.
– دواکەوتنی موچە نادەستوورییە و ئەو پارەیەی بەغدا دەیدات بە هەرێم بۆ موچە نابێت بە قەرز هەژمار بکرێت.
– دەبێت حکومەتی هەرێم سەرجەم داهاتە نەوتی و نانەوتیەکان رادەستی بەغدا بکات.
– کۆمسیۆنی هەڵبژاردنەکانی هەرێم هەڵوەشایەوە و کۆمسیۆنی هەڵبژاردنەکانی عێراق سەرپەرشتی ئەم هەڵبژاردنەی هەرێم دەکات.
– 11 کورسی کۆتاکان هەڵوەشایەوە و پەرلەمانی کوردستان دەبێت بە 100 کورسی.
دادگای فیدراڵی ئاماژەی بەوەکرد، سەرجەم بڕیارەکان یەکلاکەرەوەن دەبێت هەموو لایەنەکان پابەند بن پێوەی.