ئاڵای کوردستان - Getty Images
لە گوندی موفتی
پێشمەرگەیەک لەکاتی بەرزکردنەوەی ئاڵای کوردستان کارەبا لێیداوە
964+
شۆڕش عەبدوڵلا – هەولێر
ئێوارەی ئەمڕۆ لە خازر پێشمەرگەیەکی زێرەڤانی لەکاتی بەرزکردنەوەی ئاڵای کوردستان تەزووی کارەبا لێیدا و گیانی لەدەستدا.
سەرەتای رووداوەکە وەک دەنگۆ 964 ئەو زانیاریەی پێگەیشت، پێشمەرگەیەک لەکاتی راستکردنەوەی ئەو بۆریەی ئاڵای کوردستانی هەڵگرتووە لەسەر بارگایەکی زێرەڤانی کارەبا گرتویەتی و گیانی لەدەستداوە، بەڵام هەوڵماندا لەرێگەی سەرچاوەی فەرمی ئەوە پشتڕاست بکەینەوە.
لیوا بەهجەت تەیمز بەرپرسی هەواڵگری فەرماندەیی زێرەڤانی لە لاپەڕەی خۆی لە تۆڕی کۆمەڵایەتی فەیسبووک نوسیویەتی، “پێشمەرگەی قارەمانی زێرەڤانی (مجید سعید) لە کاتی ئەرک لە سەنگەری بەرگری دەیویست ئاڵای پیرۆزی کوردستان بەرز بکاتەوە لە ئەنجامدا تەزووی کارەبا لێی داو گیانی لەدەستدا”.
964 زانیویەتی ئەو پێشمەرگەیە لە لیوای سێی سەنگەر بووە و بارەگاکەیان لە گوندی موفتی کاکەیی نشین بووە لە میحوەری خازر.