حەفتا ملیار دینار بۆ كڕینی نەوتی سپی
میدیازان- كوردستان ئەحمەد- هەولێر
وەزارەتی سامانە سروشتییەكان دەڵێت ٧٠ ملیار دیناریان بۆ كرینی نەوتی سپی بۆ ماڵان تەرخانكردووە .
لە راگەیەنراوێكدا وەزارەتی سامانە سروشتییەكان باس لەوەدەكات لە ٢٠ی تشرینی یەكەمەوە دەستیان بە دابەشكردنی نەوتی سپی بۆ ماڵان كردووە و لە ناوچە شاخاویەكانەوە و دواتر بۆ شارەكانی دیكە.
بەپێی راگەیەنراوەكە، پاڵاوگەی لاناز رۆژانە توانای پاڵاوتنی ٥٧ هەزار بەرمیل نەوت و ملیۆنێك و ٧٠٠ هەزار لیتر بەنزین و چەندین جۆری دیكەی بەرهەمی هەیە.
لە كاتژمێرێكدا توانای باركردن و ناردنی 240 مەتر سێجا نەوت و 270 مەتر سێجا گازوایل و 250 تۆن قیر و 330 مەتر سێجا بەنزینی هەیە.
ئەوە لەكاتێكدایە پاڵاوگەكە ٣٧ مێگاوات كارەبا بۆ خۆی بەرهەمدەهێنێت و كارەبای نیشتیمانی بۆ پاڵاوگەكە بەكارناهێنرێت