ئێران هەڕەشە لە هەرێمی کوردستان دەکات

964+

توانا نەقی

وەزیری دەرەوەی ئێران، رێکەوتنێکی سیاسی نێوان ئێران و بەرپرسانی هەرێمی کوردستان ئاشکرا دەکات و لە رێکەوتنەکەدا بە بەرپرسانی هەرێمیان وتووە، جموجۆڵی پارتە ئۆپۆزسیۆنەکانی کورد دژی ئێران قبوڵ ناکەن.

ئەمیر عەبدوڵاهیان، وەزیری دەرەوەی ئێران هەفتەی رابردوو لە بەرنامەیەکدا لەگەڵ کەناڵی “ئەلعالەمی عێراقی” باسی لە پەیوەندییەکانیان لە گەڵ هەرێمی کوردستان و گرنگیی پاراستنی سنوورەکان کردووە.

عەبدوڵاهیان، لە لە بەرنامەکەدا باسی رێکەوتنێکی سیاسی و ستراتیژی نێوان ئێران و بەرپرسانی هەرێمی کوردستان دەکات و دەڵێت، “بە ئاشکرا بە کاربەدەستانی هەرێمی کوردستانمان راگەیاندووە، چیتر  جموجۆڵی پارت و لایەنە ئۆپۆزیسیۆنەکانی کوردی رۆژهەڵات دژی ئێران لە ناو هەرێمی کوردستان قبوڵ ناکەین”.

وەزیری دەرەوەی ئێران، باسی ئەوەش دەکات، چاوەڕێن بەرپرسانی هەڕێمی کوردستان ئەو رێکەوتنە بە زووترین کات واژۆ بکەن و بە یەکجاری کۆتایی بەو گرفتە بێنن، کە بە وتەی خۆی ئاسایشی  ناوچەکەیان خستووەتە مەترسییەوە.