تەنیا ئەمرۆ 990 نەخۆش سەردانی نەخۆشخانەی هیوایان کردووە

964+

توانا نەقی

نەخۆشخانەی هیوای تایبەت بە شێرپەنجە لە شاری سلێمانی ئاماری یەک رۆژی سەردانیکەرانی نەخۆشخانەکەی بڵاوکردەوە و نزیکەی هەزار کەس چوونەتە نەخۆشخانەکە.

ئامارەکە تەنیا بۆ ئەمڕۆ 26.3.2023 بووە و بە شێوازێکە لە و 990 کەسە بۆ هەر کاتژمێریک زیاتر لە 41 نەخۆش دەکات کە سەردانی نەخۆشخانەکەیان کردووە.

لە ئامارەکەدا هاتووە سێ هەزار و 995 پشکنینی تاقیگەی جۆراوجۆر ئەنجامدراوە بۆ نەخۆش، 239 نەخۆش چارەسەری کیمیایان وەرگرتووە.

هەروەها 225 نەخۆش پشکنینی سۆنەر و ئیکۆ و تیشکیان بۆ کراوە، 85 نەخۆشیش لە بەشی فریاکەوتنی خێرا دەغڵ کراون و 588 نەخۆش سەردانی بەشی دەرمانخانەیان کردووە، 68 نەخۆش لە قاوشە جۆراو جۆرەکانی نەخۆشخانەکە داغڵ کراوە.

ئەم ئامارانە پەڕەی فەرمی نەخۆشخانەی هیوا لە تۆڕی کۆمەڵایەتی فەیسبوک بڵاویکردووەتەوە.