کەم کەس هەیە لە دهۆک ترشیاتەکەی نەخواردبێت

هێڤی – دهۆک

ڤیدیۆ

​

دوکانێکی ترشیات هەیە لە دهۆک هێندە کۆنە کەم کەس هەیە لەو دەڤەرە لە بەرهەمەکەی نەخواردبێت، بە یەکەم ترشیاتخانەی شارەکە دادەنرێت.

​

ترشی دهۆک ماوەی ٤٠ ساڵە ترشیات دروست دەکات، حسێن حەسەن خاوەنی ترشیاتخانەکەیە و دەڵێت دوکانەکەیان لە باو و باپیرانیانەوە بۆ ماوەتەوە.

​

ئێستا حسێن حەسەن و براکەی پێکەوە دوکانەکە بەڕێوەدەبەن، دەڵێن تامی ترشیاتەکەیان هەر ئەو تامەیە کە لە ساڵی هەشتاکان هەیبووە.

​

پێشتر دوکانی ترشی دهۆک لە بەرامبەر سینەما نەورۆز بوو، ئێستا شوێنەکەی گواستووەتەوە بۆ ناوەندی شار.

​

حسێن حەسەن دەڵێت، چوار جۆر ترشیاتیان هەیە، زەرد و سوور کە بە خەل دروست دەکرێن و نرخی هەر کیلۆیەکیان سێ هەزار دینارە و دوو جۆری دیکەش هەن کە یەکێکیان شیرینە و ئەوی دیکەیان بە هەنار دروست دەکرێت و بۆ هەر کیلۆیەک سێ هەزار و ٥٠٠ دینار وەردەگرن.

​

زۆربەی کڕیارەکانی ترشی دهۆک ناوخۆیین، بەڵام لە بەغدا و بەسرە و هەندێکجار لە تورکیا و ئەڵمانیاش داوای ترشیاتەکەی ترشی دهۆک دەکرێت، حسێن وای وت.

​