شەش کاتژمێر چەمچەماڵ و پێنج ناحیەی دیکە بێ کارەبا دەبن

پێشەوا محەمەد – سلێمانی

دانیشتوانی قەزای چەمچەماڵ و پێنج ناحیەی دیکە سبەینێ یەکشەممە 28.3.2023 لە کاتژمێر هەشت تا دووی دوانیوەڕۆ بێ کارەبا دەبن.

قایمقامیەتی قەزای چەمچەماڵ، ئەمشەو بڵاوی کردووەتەوە، هۆکاری کارەبا بڕانەکە بۆ بەستنەوەی وێستگەی مۆبایلی 132/11Kv نوێی چەمچەماڵ بە تۆڕی کارەبای نیشتیمانی دەگەڕێتەوە.

بە پێی راگەیەندراوەکەی قایمقامیەتی چەمچەماڵ، بێ کارەباییەکە هەریەکە لە ناحیەکانی شۆڕش، تەکیە، سەنگاو، ئاغجەلەر و تەکیەی جەباری دەگرێتەوە.