مەیدانی ئاژەڵان لە هەولێر پاککرایەوە

964+

فەهمی نەبی

شارەوانیی هەولێر رایگەیاند، لە رێگەی 14 شۆفڵ و قەلاب، رووبەری هەزار مەتر سێجای مەیدانی ئاژەڵانی هەولێریان پاککردووەتەوە.

ئەمڕۆ سێشەممە، شارەوانی هەولێر رایگەیاند، تیمەکانی بەڕێوەبەرایەتیی خزمەتگوزاری و ژینگەپارێزانی ئەو شارەوانییە هەڵمەتەکەیان ئەنجامداوە.

وەک لە وێنەکان دەردەکەوێت، پاشماوەی ئاژەڵی مردارەوە بوو و زبڵێکی زۆر لەو ناوچەیە کۆبووەتەوە.

بە گوێرەی هەواڵەکەی شارەوانیی هەولێر، ئەو هەڵمەتە بە مەبەستی رێگریی بووە لە گواستنەوەی نەخۆشییە گوازراوەکان و لەسەر داواکاری پارێزگای هەولێر بووە.

ئەو پاشماوەیەی کۆکراوەتەوە، هەر ئەو کاتە گواستراوەتەوە بۆ زبڵخانەی کانی قرژالە.

مەیدانی ئاژەڵان، دەکەوێتە بەشی رۆژئاوای شاری هەولێر، بەدیاریکراوی لەسەر رێگای هەولێر بۆ موسڵە.