سەرجەم ئەپڵیکەیشن و گرووپەکانی خستنەڕووی دۆلار لە عێراق راگیران

964+

فەهمی نەبی

ئەمشەو هەموو ئەو ئەپڵیکەیشن و گرووپانەی تایبەتن بە خستنەڕووی دۆلار لە عێراق راگیران و هیچ نرخێکی دۆلار ناخەنەڕوو.

964 زانیویەتی بە فەرمانی سەرۆک وەزیرانی عێراق کارەکە ئەنجامدراوە، ئەمەش لە پێناو سەقامگیرکردنی نرخی دۆلار.

هاوکات باسی ئەوەش دەکرێت، ئەم هەنگاوە لە پێناو رێگرییە لە یارییکردن بە نرخی دۆلار.

بەپێی زانیارییەکان ئەم هەنگاوە کاتییە و ئەوە چەند جارێکە لەماوەی ئەمساڵ ئەم هەنگاوە بگیرێتەبەر.