کەس “میران کەریم”ی بیر ماوە؟

+‎964
هێژا خەسرەو ـ هەولێر

میران كه‌ریم ‎یاریزانی پێشووی تۆپی پێی كوردستان، لە ئەڵمانیا له‌ ئه‌كادیمیایه‌ك راهێنه‌ره‌ و له‌ یاریكردنیش به‌رده‌وامه‌.

‎میران کەریم چەند ساڵێکە هەرێمی کوردستانی جێهێشتووە و ئێستا لە ئەڵمانیا نیشتەجێیە، لە یەکێک لە ئەکادیمیاکانی ئەو وڵاتە مەشق دەداتەوە و لە تیپی پێشکەوتووانیشیاندا یاریی دەکات.

‎میران کەریم لە لێدوانێکدا بۆ 964 وتی، “لە ئەکادیمیای ئفتال یاریی دەکەم و بۆ کاری راهێنەرایەتی و بڕوانامه‌ی ئاستی C دەخوێنم، لە ماوەیەکی نزیکدا بڕوانامە وەردەگرم”.

‎میرانی هێرشبەر دەڵێت: لە ئەگەری بەدەستهێنانی ئەم بڕوانامەیە کار بۆ بەدەستهێنانی بڕوانامەی بەرزتر دەکەم، هێشتا بڕیاریشم نەداوە لە ئەڵمانیا یان لە کوردستان كار بكه‌م.

‎میران کەریم یەکێکە لە باشترین هێرشبەرەکانی کوردستان و خەڵاتی گۆڵکاری خولی کوردستانی بەدەستهێناوە، لە یانەکانی برایەتی، کەرکوک، پێشمەرگەی هەولێر و هەولێر لە هەردوو خولی کوردستان و عێراق یاریی کردووە.

پێداچوونه‌وه‌: ئه‌رسه‌لان عه‌بدوڵا