دیمەنی بەردەم قەڵای هەولێر. وێنە: 964
سەرچاوەیەک لە ئاسایشی هەولێر: تۆمەتبارێک چوار کارمەندی بریندار کردین
964+
شۆڕش عەبدوڵا
سەرچاوەیەک لە ئاسایشی هەولێر بە 964ی وت، ئەمشەو لە گەڕەکی تەعجیلی شارەکە رووبەڕووبوونەوە لەنێوان تۆمەتبارێک و ئاسایش روویداوە، بەهۆیەوە چوار کارمەندیان بریندار بوون.
رووداوەکە لە گەڕەکی تەعجیل روویداوە لە پاش کاتژمێر 9ی ئەمشەو، تۆمەتبارەکە ئامادەنەبووە خۆی رادەست بکات و تەقەی لە هێزەکانی ئاسایش کردووە.
بە قسەی ئەو سەرچاوەیە، تەقەکەرەکە تۆمەتبار بووە بە “کوشتن و بەکارهێنانی مادەی هۆشبەر”.
964 دەزانێت، ئێستا بریندارەکانی ئاسایش لە نەخۆشخانەی فریاکەوتنی هەولێر چارەسەر وەردەگرن.